Reperi nga Presheva, Arian Agushi, i njohur ndër shqiptarë si Gold AG do të dalë para gjykatës. Prokuroria Themelore e Prishtinës e ka akuzuar atë për nxitje të urrejtjes, përçarjes dhe mosdurimit kombëtar, racor, fetar apo etnik, pas denoncimit që i ka bërë atij në nëntor të vitit 2014 ish-deputetja e LDK-së, Alma Lama, njëherësh ambasadore e Kosovës në Itali, sa i përket këngës së publikuar prej prej tij “Shqiptar 2”.
Një pjesë e shkëputur nga kjo këngë është konsideruar si provë kryesore, sipas aktakuzës të cilën e posedon “Koha Ditore”. Me këtë ajo ka ardhur në përfundim se ka elemente të kryerjes së veprës penale të lartcekur nga reperi, Gold AG.
Shfaq Komentet (0)